Захирлын мэндчилгээ
Манай байгууллага Монгол улсын сургуулийн өмнөх боловсролын салбарын багш мэргэжилтэнг бэлтгэдэг төрийн өмчит сургууль юм. Сургууль нь Хөтөлбөрийн алба, Сурган хүмүүжүүлэх ухаан, сэтгэл судлал, Урлаг, Арга зүйн тэнхим, Сургалт, арга зүйн төв болон түшиц цэцэрлэг гэсэн бүтэцтэйгээр сургалтын үйл ажиллагааг зохион байгуулж байна.
Монгол улсын сургуулийн өмнөх боловсролын салбарт ажиллаж байгаа нийт мэргэжилтнүүдийн 92 орчим хувь нь манай төгсөгчид юм. Төгсөгчдөөс маань сургуулийн өмнөх боловсролын төдийгүй нийгмийн бусад салбарт нэр алдраа дуурсган ажиллаж буй олон алдартан, гавьяатууд төрөн гарсан нь бидний бахархал билээ.
Цаашид бид мэргэшсэн баг хамт олны чадамжид тулгуурлан сургуулийн өмнөх боловсролын салбарын сургалтын бодлого, арга зүйн хөгжлийг тодорхойлогч байж, улсын хэмжээнд хүлээн зөвшөөрөгдсөн сургалт, эрдэм шинжилгээ, судалгааны цөм байхын төлөө хичээж ажиллахаа илэрхийлж байна. Эрдмийн уурхай болсон манай сургуулийн үүд хаалга сургуулийн өмнөх боловсролын салбарын багш сурган хүмүүжүүлэгчид, багш болох сонирхолтой хүүхэд залуусын өмнө үргэлж нээлттэй байх болно гэдгийг дашрамд дурдахад таатай байна.
Захирал, Дэд проф, Доктор (Ph.D) Л.Ганцэцэг